Hong Kong Public Affairs and Social Service Society

London School of Economics and Political Science Students' Union

Proudly sponsored by Freshfields and Skadden, and supported by The British Council and The Hong Kong Society.

 

This website was launched in 2015 by Zoe Liu (Publications Officer 2015-16)

香港嘅運動員唔再係垃圾

November 23, 2015

 

 

「香港嘅運動員唔再係垃圾 」呢句說話係出自李麗珊1996年係風帆項目拎咗奧運金牌之後,變得家傳戶曉嘅一句說話。

 

近年,社會上有住一種全城齊來參與運動嘅風氣。每年嘅全城運動日,免費開放俾市民使用嘅運動場地一早就爆滿;每逢週末同假期都唔難揾到一家大細或者係三五知己一齊踩住架單車,穿越近半個新界;每年嘅渣打馬拉松參與人數一定會刷新紀錄。跑步、羽毛球、足球、排球、藍球、乒乓波、游水都一一被稱為香港最受歡迎嘅運動之一。新一代嘅小朋友,好多都識得玩以上其中一項運動,有啲甚至可能係該項運動嘅青少年代表隊嘅成員之一。明明好有潛質,明明從小就立志要成為一個足球運動員,登上世界嘅舞台,點解最後只係可以跟隨住社會嘅價值,要放棄追尋自己嘅夢想?

 

無可否認,從來,喺香港,如果你同人講話我長大後想做一個運動員!無論係咩運動都好啦,往往都會俾人質問番一句:你點揾食?冇錯,係香港從事運動真係好難揾到食。要成為一個全職運動員,談何容易?職業運動員坦言,係香港做一個運動員每個月都只係得幾千蚊,入不敷出。收入同所付出嘅時間、精力、體力、甚至係犧牲嘅事情往往都係不成正比。正正就係呢個原因,令到好多好有潛質嘅運動員被迫放棄追夢。

 

歸根究底,香港政府要對現時香港體育水平始終無辦法同其他國家相提並論負番小小責任。由一開始,香港政府對本地體育嘅發展都係抱住三分鐘熱度嘅態度。先係因為香港足球隊2009年係東亞運動會摘下歷史性嘅金牌,政府就宣怖成立「鳳凰計劃」,每年投放2000萬港元發展足球運動。後來因為負責推行改革的管理層仍然固步自封,惹嚟多方面嘅狠批,結果計劃不了了之。到2012單車運動員李慧詩係倫敦奧運當中勇奪銅牌後,政府又再宣怖會投放更多資源發展單車運動,要培育及留住人才。事實上,單車運動係香港一直都承受住訓練場地嚴重不足嘅問題,連一個室內單車場都拖左十幾年先起得成,可想而知,香港政府發展體育究竟有幾大嘅誠意呢。

 

過去一個星期,本港體壇喜事一浪接一浪。先係香港足球隊係世界盃外圍賽再次迫和中國隊,零比零完場;然後仲有羽毛球壇新星年僅21歲嘅吳家朗於十六強賽事,直落兩盤,爆冷贏左超級丹,在下一城,係八強賽事贏埋中華台北嘅周天成,打出香港公開羽毛球錦標賽四強打出香港球員最佳成績;仲有胡兆康係保齡球世界賽中首奪冠軍,同時成為史上第一個奪得呢項殊榮嘅香港球手。惟有期盼香港體壇接二連三令人振奮嘅成績,可以一改香港政府嘅作風,令香港嘅體育發展唔再停滯不前。

Tags:

Please reload

Featured Posts

Why do we need changes?

November 23, 2018

1/10
Please reload

Recent Posts

November 23, 2018

March 3, 2018

February 28, 2018

February 4, 2018

January 30, 2018

January 26, 2018

January 25, 2018

Please reload

Archive